Mario Hernando, manager xeral do fútbol sala na RFEF, visita Noia
- Departamento prensa Noia PA FS
- Oct 6
- 2 min read
Mario Hernando, manager xeral do fútbol sala na RFEF, elixiu Galicia para a primeira das súas visitas institucionis. O executivo, que asumiu o cargo o pasado mes de xuño, reuniuse este luns co equipo de mando do Concello de Noia e con representantes do Noia Portus Apostoli FS cos obxectivos de fortalecer relacións e aclarar as liñas de traballo e mellora para o crecemento do noso Club e o noso deporte.
En dita reunión estiveron presentes Francisco Pérez, alcalde de Noia; Manuel Seijas, tenente alcalde; e Sandra González, concelleira de Deportes, por parte do grupo de goberno do Concello de Noia. Representando ao Noia Portus Apostoli FS acudiu o seu director xeral, Javier Barreiro, e xunto a Hernando asistiu Carmelo Galiñanes, director da Delegación Galega da Mutualidade.
“O proxecto do Noia Portus Apostoli FS é un dos referentes da nosa Liga”
O manager xeral do fútbol sala na RFEF destacou a posteriori a importancia de Galicia como “un punto de referencia de Clubes” e definu como “un pracer” a visita e a reunión co alcalde e o seu equipo de goberno. Con eles puido compartir “moitas inquedanzas e suxerencias de mellora e crecemento conxunto. Saímos ambas partes con ideas para seguir traballando xuntos nun proxecto que non vai a deixar de medrar”, fixando o do Noia Portus Apostoli FS como “un dos referentes da nosa Liga”. Todo coa meta de que un “deporte marabilloso e atractivo de ver, cunha historia moi rica (...), con grandes xogadores e adestradores e marabillosos Clubes” atope “o seu sitio na industria deportiva”.
Pérez reafirma o compromiso do Concello co Portus Apostoli
Imaxes: Manuel Lorenzo/Noia PA FS
Pola súa parte, Francisco Pérez, alcalde de Noia, quixo recalcar a raíz da visita de Mario Hernando que “desde o Concello vamos a seguir apoiando a este Club”, así como a vontade de continuar traballando xuntos de cara á posibilidade de organizar nun futuro “actividades que poden ser moi interesantes para o pobo” e que “nos van a dar resultados positivos a ambas partes”.
Comments