Disiclín, novo patrocinador do Noia Portus Apostoli FS
Disiclín únese á lista de patrocinadores do Noia Portus Apostoli FS. A empresa especializada na produción de materiais de limpeza súmase a un proxecto deportivo e social que continúa medrando temporada tras temporada.
Con sede en Silleda (Pontevedra), Disiclín entrou nas casas de todo Galicia, norte de Portugal e España desde o ano 1992, ofrecendo a mellor solución para a limpeza do fogar en todas as súas superficies, con máis de 200 produtos de distintas variedades, olores e propiedades.
A incorporación de Disiclín á nosa rede de patrocinios supón un novo paso adiante por estreitar lazos co tecido empresarial da nosa comunidade, facéndoo ademais da man de compañías que comparten o compromiso coa súa contorna, como é o caso.
Benvidos á familia noiesa, Disiclín!
Comments