PREVIA X9 XUVENIL DIVISIÓN DE HONRA FS | FS Salamanca AGROCESA - Noia Portus Apostoli FS | Outro importante desprazamento

Departamento prensa Noia PA FS
Dec 5
1 min read

**Venres, 05/12/2025 · 17:20h · Imaxe: Manuel Lorenzo/Noia PA FS | Os de Pablo Cardoso viaxan por segunda semana seguida (sáb. 06/12, 17:00h), nesta ocasión a Salamanca.**

O Xuvenil DH do Noia Portus Apostoli FS afronta este sábado 6 ás 17:00h o seu compromiso da 9ª xornada ligueira, no que, ao igual que a pasada semana, fará a mochila para xogar como visitante, neste caso á pista do FS Salamanca AGROCESA Crianza Ibérica.

Os noieses pretenden superar este desprazamento ao Pavillón La Alamedilla para manterse sólidos no liderado, tal e como fixeron hai uns días en Ferrol, superando a outro rival perigoso da zona alta da táboa. De feito, os de Pablo Cardoso están demostrando sentirse cómodos lonxe do Mourís, onde contan todos os seus partidos por vitorias.

Os salmantinos buscan ir cara arriba

Oito puntos por debaixo do Portus Apostoli, con 13 na 9ª praza, sitúase o FS Salamanca AGROCESA Crianza Ibérica. Os charros queren recuperarse das súas dúas últimas derrotas consecutivas (2-6 ante O Parrulo e 5-3 na cancha do CD San Cristóbal) para coller o tren dos punteiros, que ameaza con facer oco de por medio.