PREVIA X8 XUVENIL DIVISIÓN DE HONRA FS | Noia Portus Apostoli FS – Valladolid Tierno Galván FS | Primeiro de dous seguidos na casa
O Xuvenil DH do Noia Portus Apostoli FS xoga este domingo 8 a partir das 12:45h no Municipal Agustín Mourís, recibindo ao Valladolid Tierno Galván FS na 8ª data ligueira.
O equipo noiés só sabe gañar no seu feudo, con tres de tres como local, e agora agárdanlle dous compromisos seguidos na casa. Tras empatar a fin de semana pasada contra o líder IES Coruxo FS, os brancos ocupan a 4ª posición con 14 puntos, a cinco dos vigueses. Continuar axexando esa zona alta pasa por manter a xeira e a progresión como colectivo na Vila.
Os valisoletanos buscan meterse na pomada
Visita o Mourís un Valladolid Tierno Galván FS que se sitúa 8º con 11 puntos. Os pucelanos pretenden asaltar o fortín noiés para reengancharse á parte alta da clasificación, tras non poder gañar nas dúas anteriores xornadas, cunha derrota e un empate, este último a pasada semana fronte ao ADC Lugo Sala Acasti Reformas (2-2).
Emisión en directo
Esta temporada, salvo posibles excepcións, os partidos como local do Xuvenil DH noiés non se emitirán en directo.
Precedentes
·20 de outubro de 2024 | X6 Xuvenil División de Honra FS – Grupo 1 2024/2025 | NPA 4-2 VTG
·1 de marzo de 2025 | X21 Xuvenil División de Honra FS – Grupo 1 2024/2025 | VTG 6-4 NPA
·18 de outubro de 2025 | X2 Xuvenil División de Honra FS – Grupo 1 2025/2026 | VTG 4-5 NPA
·14 de febreiro de 2026 | X17 Xuvenil División de Honra FS – Grupo 1 2025/2026 | NPA 5-3 VTG
Comments