PREVIA X8 SEGUNDA DIVISIÓN “B” FS | Valladolid Tierno Galván FS - Noia Portus Apostoli FS “B” | A competir sen complexos en Pucela

3 days ago

2 min read

Updated: 1 day ago

**Venres, 06/11/2026 · 18:14h · Imaxe: Manuel Lorenzo/Noia PA FS | Só un punto separa do seu rival aos filialistas, que acudirán a Valladolid cunha convocatoria atípica (sáb. 07/11, 18:30h).**

O Noia Portus Apostoli FS “B” disputa este sábado 7 a partir das 18:30h o seu compromiso da 8ª xornada ligueira, no que visitará ao Valladolid Tierno Galván FS no Municipal Lalo García.

Chega o ecuador da primeira volta ligueira, no que os noieses se sitúan 6º con 11 puntos, sumados todos eles a partir da terceira xornada. Superado definitivamente o dubitativo comezo, os de Chipi pretenden, ante un rival directo, alargar a serie de datas sen perder e continuar engadindo ao su botín para afastar aínda máis a zona de descenso. A tarefa corresponderalle a un equipo marcado polas circunstancias, xa que o técnico non poderá contar con varios dos seus habituais. Como os maiores, ante a adversidade, toca loitar máis xuntos e unidos.

O VTG tamén quere mirar cara arriba

Un posto e un punto por enriba dos brancos está o Valladolid Tierno Galván FS. Os valisoletanos, na súa segunda temporada na categoría, aspiran a manterse con menos urxencias que hai uns meses, cando un tramo final espectacular lles asegurou a salvación. Por agora, un bo comezo con catro triunfos en sete choques. Aínda que no seu último precedente figura unha derrota contra O Esteo FS (2-1).