PREVIA X7 LIGA PRIME FUTSAL – TORNEO APERTURA | Magna Xota FS - Noia Portus Apostoli FS | A reacción búscase en Pamplona

16 hours ago

3 min read

Sábado, 31/10/2026 · 11:15h · Imaxe: Foto Pichero | Os noieses tratarán de desquitarse da última derrota na súa visita a Anaitasuna (dom. 01/11, 16:30h. TV: DAZN). — **Sábado, 31/10/2026 · 11:15h · Imaxe: Foto Pichero | Os noieses tratarán de desquitarse da última derrota na súa visita a Anaitasuna (dom. 01/11, 16:30h. TV:** **DAZN**).

O mellor remedio para pasar páxina sempre é unha vitoria. Con esa máxima, o Noia Portus Apostoli FS quererá deixar atrás as adversidades e a primeira derrota da temporada na casa na súa visita ao Magna Xota FS, este domingo 1 de novembro ás 16:30h pola 7ª xornada do Apertura da Liga Prime Futsal.

Os noieses, aínda decimados por unha larga serie de baixas, confían en recuperar efectivos de cara a este importante desprazamento. Facelo permitiría aumentar unha curta nómina de xogadores do Primeiro Equipo dispoñibles e disputar con maiores garantías un duelo moi relevante de cara ao obxectivo. No caso de que non sexa posible, David Palmas terá á súa disposición a pezas do Filial que xa están sumando no traballo diario.

**Colón e Charly, nomes propios na última saída | Imaxe: Manuel Lorenzo/Noia PA FS**

Sexa como sexa, o Portus Apostoli sabe que o camiño pasa por sacar a súa mellor versión, atitudinal primeiro e de xogo despois, para recuperar o sabor do triunfo, gañar por segunda data seguida lonxe da casa tras Cartaxena e continuar emulando os grandes números do pasado curso a estas alturas.

Un Magna Xota FS coa ‘flecha para arriba’

Despois dun verán de moitísima incertidume e un comezo ligueiro extremadamente complicado, o Magna Xota FS recibirá ao Noia indubidablemente no seu mellor momento. O motivo, a vitoria na anterior xornada sobre Wanapix (6-4), que lles permitiu non só gañar por primeira vez, senon estrear o peto de puntos e abandonar a zona de descenso. O equipo navarro, dirixido polo galego Gonzalo Iglesias ‘Morenín’, consta nas súas filas de moita xuventude e talento da casa, liderados por Asier Llamas, Ion Cerviño e Josu Mendive, os únicos tres que continúan da pasada campaña. Como fichaxes chegaron a Anaitasuna o porteiro Planillo, o peche Vatamaniuc, os ás Marc Campàs, Alan Rojas, Franco Grillo e Shunta Uchida e o pivote Bruno Petry.

Declaracións previas

https://youtu.be/zS2FGIagRCg

https://youtu.be/DqllJNwdD5I

O desprazamento

A expedición branca iniciou viaxe a Pamplona na mañá do sábado, parando para realizar o último adestramento previo en Guitiriz. A chegada ao hotel de concentración está fixada cara a noite sabatina.