7 puntos en 5 partidos, de novo segundo mellor inicio na elite

Xoves, 29/10/2026 · 11:12h | Igualando a marca do pasado curso 2025/2026.

Como na pasada 2025/2026, o Noia Portus Apostoli FS volveu a empezar a temporada en boa forma. De feito, repetindo algarismos. Tras 5 partidos disputados (pendente o duelo da xornada 4 contra o Barça), o conxunto branco iguala con 7 puntos o seu 2º mellor inicio histórico na máxima categoría do fútbol sala nacional.

Os noieses empezaron a sumar na mesmo estrea, co punto e a tolemia fronte a ElPozo Murcia Costa Cálida FS (3-3). A partir de aí, os triunfos contra Sur Seeds El Ejido Futsal (2-0) e Jimbee Cartagena Costa Cálida (1-3) elevan as 7 unidades ao seu peto, especialmente reseñables nun comezo de competición esixente.

A vitoria en Cartaxena, o gran resultado ata a data | Imaxe: Manuel Lorenzo/Noia PA FS

Un ano máis, continuará na primeira praza deste rexistro os 10 puntos da temporada 2022/2023, na que o Portus Apostoli asinou 3 vitorias como visitante e 1 empate como local.

No caso da campaña pasada, a cousa empezou ben e acabou mellor que nunca, co récord de 39 puntos. Un espello no que o vestiario desta 2026/2027 se mira para volver a cumprir obxectivos con suficiencia e completar outro camiño para o recordo e o goce da Vila.