PREVIA X6 XUVENIL DIVISIÓN DE HONRA FS | Noia Portus Apostoli FS – Carballiño FS | Que siga o pleno na casa
O Xuvenil DH do Noia Portus Apostoli FS recibe este domingo 25 a partir das 12:00h ao Carballiño FS, en partido da 6ª xornada da competición.
Os brancos volveron a sumar na súa visita a Salamanca, aínda que tan só un punto, o que detivo a súa serie de vitorias seguidas en tres. Pasado o partido e outra semana de adestramentos, os de Pablo Cardoso quererán demostrar o seu crecemento, tras conceder demasiado en terras salmantinas co marcador a favor, e a súa fortaleza na casa para recuperar o sabor do triunfo.
O Carballiño FS non coñece a vitoria
Os noieses enfrontaranse a un rival que se sitúa 15º e penúltimo con 2 puntos. Por tanto, o Carballiño FS é un dos dous equipos que aínda non sabe o que é gañar. No seu anterior partido, o equipo ourensán cedeu de maneira clara (2-8) ante o líder IES Coruxo FS.
Emisión en directo
Esta temporada, salvo posibles excepcións, os partidos como local do Xuvenil DH noiés non se emitirán en directo.
Precedentes
·18 de xaneiro de 2025 | X15 Xuvenil División de Honra FS – Grupo 1 2024/2025 | NPA 7-2 CAR
·25 de maio de 2025 | X30 Xuvenil División de Honra FS – Grupo 1 2024/2025 | CAR 2-7 NPA
·16 de novembro de 2025 | X6 Xuvenil División de Honra FS – Grupo 1 2025/2026 | CAR 3-6 NPA
·13 de marzo de 2026 | X21 Xuvenil División de Honra FS – Grupo 1 2025/2026 | NPA 6-1 CAR
Comments