PREVIA X4 XUVENIL DIVISIÓN DE HONRA FS | CD Inter Sala Adarsa Mercedes – Noia Portus Apostoli FS | Duelo no cumio

Departamento prensa Noia PA FS
Nov 2
1 min read

**Domingo, 02/11/2025 · 12:52h · Imaxe: Manuel Lorenzo/Noia PA FS | Os dous equipos con 9 de 9 puntos bátense na cuarta data ligueira (dom. 02/11, 13:00h).**

O Xuvenil de División de Honra noiés visita este domingo 2 ás 13:00h no Polideportivo Lazarillo de Tormes ao outro conxunto que, ao igual que eles, suma os 9 puntos posibles ata a data no seu casilleiro, o CD Inter Sala Adarsa Mercedes, pola cuarta xornada ligueira.

Con tres partidos e tres vitorias plántanse nela os brancos. O equipo de Pablo Cardoso empezou co pé derecho a competición, sabendo levarse o gato ao auga en resultados apretados -todos os encontros decidíronse pola mínima-, situacións moi proveitosas para o desenvolvemento e a competitividade de xogadores e equipo.

Contra a solidez do CD Inter Sala Adarsa Mercedes

Un contexto similar se pode agardar este domingo, atendendo ao nivel clasificatorio de ambos. Ademais de ser o único equipo que segue o ritmo dos noieses, o CD Inter Sala demostrou ser férreo en defensa, encaixando apenas dous tantos en tres partidos, e presentando candidatura para ocupar a zona noble da táboa.