PREVIA X26 XUVENIL DIVISIÓN DE HONRA FS | Noia Portus Apostoli FS – 5 Coruña FS | A fase decisiva empeza na casa

Venres, 01/05/2026 · 12:18h · Imaxe: Manuel Lorenzo/Noia PA FS | Os de Pablo Cardoso xogan esta fin de semana outro partido importante na disputa polo título (dom. 03/05, 19:00h. TV: gs360play.com).

O Xuvenil DH do Noia Portus Apostoli FS cítase este domingo 3 ás 19:00h no Municipal Agustín Mourís co 5 Coruña FS, en partido da xornada 26 da competición ligueira.

O contador comeza a esgotarse. Últimos cinco encontros da Liga para os de Pablo Cardoso, que chegan a este tramo final no liderado. Só o goal average particular os avantaxa sobre o CD Inter Sala Adarsa Mercedes, algo que podería mudar esta xornada, na que os salmantinos se enfrontan ao terceiro clasificado, o CD San Cristóbal Cochinillo Tabladillo. Por iso, presúmese aínda máis fundamental un novo triunfo dos noieses, que quererán chegar con vantaxe para afrontar a decisión do título e os postos de Campionato de España Sub-19 de Clubes.

Un rival en clara dinámica negativa

O 5 Coruña FS visita a pista do líder no seu peor momento da temporada. Cinco derrotas consecutivas, a última delas contra O Parrulo (2-6), é a racha coa que os coruñeses se presentarán no Mourís. A clasificación sitúaos 8º con 36 puntos, lonxe de calquera pugna.

---

Emisión en directo

O partido poderase seguir en directo e gratis, previo rexistro, a través de gs360play.com.

Precedentes

·6 de outubro de 2024 | X4 Xuvenil División de Honra FS – Grupo 1 2024/2025 | NPA 3-2 5CO

·15 de febreiro de 2025 | X19 Xuvenil División de Honra FS – Grupo 1 2024/2025 | 5CO 4-3 NPA

·20 de decembro de 2025 | X11 Juvenil División de Honra FS – Grupo 1 2025/2026 | 5CO 2-2 NPA