PREVIA X23 XUVENIL DIVISIÓN DE HONRA FS | Noia Portus Apostoli FS – O Parrulo Ferrol FS | A reaccionar no Alonso
- 4 days ago
- 2 min read
A Liga volve para o Xuvenil DH do Portus Apostoli na casa, aínda que unha distinta. Os noieses recibirán no Pavillón Alonso Rodríguez ao O Parrulo Ferrol FS o domingo 12 ás 12:30h pola 23ª xornada.
A derrota previa ao parón de Semana Santa en León volve a colocar a dous equipos no liderado. Tanto os brancos como o CD Inter Sala Adarsa Mercedes contan con 55 puntos, aínda que o goal average particular dá primacía aos primeiros. A oito partidos para concluír a temporada, a pelexa polo campionato deste Grupo 1 presúmese espectacular. Para cumprir con iso, os de Pablo Cardoso saben que é obrigatorio volver a gañar e deixar atrás as dúas últimas caídas seguidas, contando tamén a da Copa de España Xuvenil FS.
Un O Parrulo afastado pero perigoso
Diante terán os noieses a un rival ao que lle saca case 20 unidades, pero sobre o que non cabe ningunha relaxación. O Parrulo Ferrol FS é, seguindo resultados, un dos equipos máis en forma da competición. Acumula tres vitorias seguidas, sendo a última a lograda contra o FS Salamanca AGROCESA (8-5), e tras a que se sitúan 5º con 38 puntos, aínda lonxe dun 4º posto que ansían alcanzar.
Emisión en directo
O partido poderase seguir en directo e gratis, previo rexistro, a través de gs360play.com.
Precedentes
·14 de decembro de 2024 | X12 Xuvenil División de Honra FS – Grupo 1 2024/2025 | PAR 1-4 NPA
·1 de maio de 2025 | X27 Xuvenil División de Honra FS – Grupo 1 2024/2025 | NPA 2-2 PAR
·30 de novembro de 2025 | X8 Xuvenil División de Honra FS – Grupo 1 2025/2026 | PAR 3-6 NPA
Comments