Venres, 21/02/2025 · 19:05h · Imaxe: Manuel Lorenzo/Noia PA FS | Os brancos buscan deixar atrás ao instante a segunda derrota da temporada (dom. 23/02, 12:45h).
O Xuvenil DH do Noia Portus Apostoli FS encara a xornada 20 ligueira coa intención de erguerse e esquecer a derrota da pasada fin de semana, na visita ao Mourís do Sibuscascoche Ribeira FS este domingo 23 ás 12:45h.
A pesar de ceder ante o segundo clasificado, os noieses manteñen 6 puntos de diferenza no máis alto da táboa. Agora, os de Daniel Ventoso tratarán de demostrar que este segundo tropezo en 18 partidos non vai a ir a máis.
O seu rival na empresa será o Sibuscascoche Ribeira FS, 15º e penúltimo con 13 puntos. Os lucenses buscarán a sorpresa que, probablemente, lles faría abandonar a zona de descenso. No seu último partido perderon por 7-2 na pista do Valladolid Tierno Galván AGROCESA.
A anterior vez que o Xuvenil DH noiés caeu, reaccionou de inmediato, e vaia se o fixo. Este domingo terá a oportunidade de evidenciar ante os seus perseguidores que pode volver a facelo para continuar achegando a posibilidade de conquistar un novo soño, co último terzo do campionato chamando á porta.
Precedentes
·12 de outubro de 2024 | X5 Xuvenil División de Honra FS – Grupo I 2024/2025 | RIB 1-4 NPA
Comments