PREVIA X12 XUVENIL DIVISIÓN DE HONRA FS | Noia Portus Apostoli FS – Sibuscascoche Ribeira FS | Duro exame para empezar 2026
- Departamento prensa Noia PA FS
- 2 days ago
- 2 min read
O Xuvenil DH do Noia Portus Apostoli FS abre o 2026 encarando a recta final da primeira volta. Xornada 12 e moita tea por cortar, empezando pola visita da sensación Sibuscascoche Ribeira FS este domingo 11 ás 12:30h.
O conxunto noiés reengancha a competición desde o liderado, ese que dá o acceso á vindeira Copa de España Xuvenil FS ao remate da xornada 15, pero con tan só 1 punto de renda sobre o 2º e 3 con 3º e 4º. Postos nesta situación, non hai opción a fallar para os de Pablo Cardoso se queren repetir a fazaña lograda o curso pasado e plantarse entre os mellores de España.
Un rival na nube
Con tres puntos e tras encaixar un 5-0 e un 0-6 chegaba o Sibuscascoche Ribeira FS á sexta xornada. Desde entonces, seis vitorias consecutivas -entre elas ante opoñentes de gran nivel como CD Inter Sala Adarsa Mercedes, O Parrulo ou Trepalio- que pasaron de posicionalos na loita pola permanencia a trepar aos postos nobles con 21 puntos en total. Os lucenses pretenden seguir facéndose un oco entre os mellores a costa do líder.
Emisión en directo
O partido poderase seguir en directo e gratis, previo rexistro, a través de gs360play.com.
Precedentes
·12 de outubro de 2024 | X5 Xuvenil División de Honra FS – Grupo 1 2024/2025 | RIB 1-4 NPA
·23 de febreiro de 2025 | X20 Xuvenil División de Honra FS – Grupo 1 2024/2025 | NPA 2-2 RIB