PREVIA 1/8 DE FINAL COPA DO REI FS | Heredia 21 Málaga Ciudad Redonda FS - Noia Portus Apostoli FS | En xogo volver aos cuartos

Departamento prensa Noia PA FS
4 days ago
3 min read

Martes, 09/12/2025 · 16:36h · Imaxe: Foto Pichero | Os brancos buscan en Málaga (mér. 10/12, 20:30h. TV: YouTube RFEF) avanzar aos cuartos de final do torneo do KO por segunda ocasión na súa historia. — **Martes, 09/12/2025 · 16:36h · Imaxe: Foto Pichero | Os brancos buscan en Málaga (mér. 10/12, 20:30h. TV:** **YouTube RFEF) avanzar aos cuartos de final do torneo do KO por segunda ocasión na súa historia.**

A Copa do Rei FS volve a chamar á porta do Noia Portus Apostoli FS. Os de David Palmas afrontan a eliminatoria de oitavos de final este mércores 10 ás 20:30h na pista do Heredia 21 Málaga Ciudad Redonda FS, conxunto da Segunda División FS.

A Capital da Costa do Sol será a primeira parada dunha semana de ‘excursión’ para o equipo noiés, que o sábado xoga en Alzira pola 14ª xornada ligueira e non regresará a casa ata o domingo. Polo momento, o vestiario branco céntrase tan só no duelo copeiro, onde teñen a posibilidade de colocar ao Portus Apostoli por segunda vez na súa historia nos cuartos de final da competición -la única foi na 22/23-.

**Os noieses xa están en Málaga | Imaxe: Manuel Lorenzo/Noia PA FS**

Un aliciente de moita relevancia que servirá para igualar a tamén gran ilusión do rival, como equipo de inferior categoría xogando na casa. Ademais, cabe ter en conta a confianza que atesoura un ambicioso grupo en bo momento de forma, que hai escasos días fixo tremer a todo un Barça, para ter ben claro que os noieses poñerán todo o seu empeño por continuar facendo camiño na Copa do Rei FS.

Heredia 21 Málaga Ciudad Redonda FS, un Segunda con feituras de Primeira

O curso pasado quedou a un paso do ascenso, e para este reforzouse con claras intencións de non deixalo escapar. O Heredia 21 Málaga Ciudad Redonda FS aspira a igualar as cotas do outrora UMA Antequera, campión da Copa do Rei FS 21/22 do que aínda continúan o técnico ‘Tete’, o capitán Miguel, Alvarito e Davilillo. En verán uníronse nomes de categoría como Pablo Ordóñez, Fernando ou Rafa López para subir aínda máis o nivel dun conxunto que aúna esa experiencia no máis alto coa xuventude dos Pabli, Guti ou Álvaro Mellado. Os malagueños, que na división de prata ocupan o 2º posto con 24 puntos tras 11 partidos, chegaron a estes oitavos copeiros tras desfacerse do CD Tenerife Iberia Toscal (0-6) e do outro galego de Primeira, O Parrulo Ferrol FS (2-0).

Declaracións previas

O desprazamento

A expedición noiesa montouse no bus o luns pola tarde. Á súa chegada a terras andaluzas, completaron o último adestramento previo ao duelo en San Pedro de Alcántara.

Emisión en directo

O duelo contará coa emisión en directo e gratis a través da canle de YouTube da RFEF, este mércores 10 a partir das 20:30h.

Árbitros

Carlos Panadero Díaz-Concha e Héctor Mayo López, do comité madrileño. Balance con esta parella de dúas vitorias, cinco empates e tres derrotas.