A visita a Peñíscola, o martes 3 de marzo ás 20:30h

Venres, 20/02/2026 · 16:48h · Imaxe: Manuel Lorenzo/Noia PA FS | Novo horario para o partido aprazado da xornada 18 da Primeira División FS.

O Noia Portus Apostoli FS realizará a visita ao Servigroup Peñíscola FS correspondente á xornada 18 da Primeira División o vindeiro martes 3 de marzo ás 20:30h, tal e como resolveu o Xuíz de Competición o pasado mércores.

O encontro aprazouse o pasado sábado 14, día no que estaba programado para disputarse, polo peche da instalación deportiva do Pavillón Juan Vizcarro por parte da autoridade municipal peñiscolana a consecuencia da situación de alerta por vento activada polo Centro de Coordinación de Emerxencias da Generalitat Valenciana.