Todos os detalles do primeiro amistoso

Sábado, 08/08/2026 · 19:56h | Os noieses terán a súa primeira proba do algodón en Redondela ante o ADCR Caxinas e Poça da Barca.

Tan só queda unha semana para que o Noia Portus Apostoli FS volva a vivir un asubío inicial de partido. Os de David Palmas desprazaranse ao Pavillón A Marisma de Redondela para disputar o seu primeiro amistoso da pretemporada 2026/2027, este sábado 15 de agosto ás 19:00h fronte ao ADCR Caxinas e Poça da Barca portugués.

O Redondela FS, club organizador do encontro, puxo á venda as entradas en dúas modalidades distintas: entrada anticipada e entrada en taquilla.

A anticipada, a 5€, poderase adquirir só de maneira presencial no Pabellón A Marisma redondelán o luns 10 e o martes 11 de 20:00h a 21:30h e o mércores de 12:00h a 13:30h.

A entrada en taquilla, a 8€, estará dispoñible só o día do partido tamén no Pavillón A Marisma.