O Club e Álex García separan os seus camiños

Sábado, 26/07/2025 · 19:30h | A vinculación entre o Portus Apostoli e o xogador termina tras dúas temporadas e media.

O Noia Portus Apostoli FS e o xogador Álex García chegaron a un acordo para rescindir o contrato que lles relacionaba ata o vindeiro mes de xuño de 2026.

Álex uniuse ao Club en xaneiro de 2023, formando parte daquel cadro que disputou un histórico PlayOff polo título de Primeira División FS. A temporada 2023/2024 xogouna a préstamo no CD Burela FS, co que logrou o ascenso. A pasada campaña regresou ao Agustín Mourís, completando un periplo como noiés que finaliza cun total de 44 partidos disputados, anotando 5 goles e erguendo dúas Copa Galicia FS.

O Club quere agradecerlle a Álex os servizos prestados, así como a súa profesionalidade e compromiso, e deséxalle a maior das sortes no seu futuro, tanto profesional como persoal.