VENDA DE ENTRADAS – DÍA DO CLUB | Noia Portus Apostoli FS – Illes Balears Palma Futsal (X29 adiantado Primeira División FS, mar. 21/04, 21:00h)

6 days ago
2 min read

**Venres, 10/04/2026 · 12:39h · Imaxe (de arquivo): Foto Pichero**

Aberta a venda de entradas para abonados e non abonados de cara ao partido nomeado "Día do Club", que enfrontará ao Noia Portus Apostoli FS co Illes Balears Palma Futsal o martes 21 de abril ás 21:00h no Municipal Agustín Mourís, correspondente ao adiantado da xornada 29 da Primeura División Fútbol Sala. As entradas pódense mercar en noiafs.compralaentrada.com/eventos e no Local Social do Club (rúa Carcasía, 7. Noia) os luns, mércores e venres de 19:00h a 20:00h.

Todos os abonados XERAL, MOZO, FAMILIAR e ACOMPAÑANTE FAMILIAR terán de prazo ata o VENRES 17 de abril ás 20:30h para mercar a ENTRADA DO SEU ASENTO.

TODOS OS ASENTOS NON MERCADOS POR ESES ABONADOS Á FINALIZACIÓN DESTE PRAZO QUEDARÁN LIBERADOS. A PARTIR DESE MOMENTO, TODO ABONADO QUE QUEIRA MERCAR UNHA ENTRADA PODERÁ FACELO, PERO, POSIBLEMENTE, NUN ASENTO DISTINTO AO SEU.

Ao momento do ingreso ao Municipal Agustín Mourís para o partido o día 21, revisarase a idade de todas as persoas que acudan cunha entrada MOZO (-16 anos).

PREZO E CONDICIÓNS DAS ENTRADAS - ABONADOS

·SENTIMENTO: GRATIS. Non teñen que mercar entrada, soamente deben presentar o seu carnet de abonado, xa sexa físico ou dixital, na porta de acceso ao Municipal Agustín Mourís.

Lembramos a todos os abonados SENTIMENTO que non vaian a asistir ao encontro a posibilidade da cesión do seu asento a disposición do Club. O procedemento pódese levar a cabo tanto na plataforma online noiafs.compralaentrada.com, no apartado “liberar o meu asento”, como no Local Social del Club (rúa Carcasía, 7. Noia) no seu horario de apertura.

·XERAL, FAMILIAR e ACOMPAÑANTE FAMILIAR*: 10€. *Acompañante familiar maior de 16 anos.

·MOZO e ACOMPAÑANTE FAMILIAR*: 5€. *Acompañante familiar menor de 16 anos.