PREVIA X8 XUVENIL DIVISIÓN DE HONOR FS | O Parrulo Ferrol FS - Noia Portus Apostoli FS | Erguerse rápido

Departamento prensa Noia PA FS
2 hours ago
1 min read

Venres, 28/11/2025 · 14:41h · Imaxe: Manuel Lorenzo/Noia PA FS | O equipo de Pablo Cardoso, aínda líder, busca deixar atrás a primeira derrota do curso nunha das pistas máis esixentes (dom. 30/11, 12:00h).

O Xuvenil DH do Noia Portus Apostoli FS viaxa a Ferrol para a disputa da oitava xornada ligueira, este domingo 30 ás 12:00h fronte ao O Parrulo Ferrol FS.

O pleno xa é historia. Ao sétimo encontro, os noieses coñeceron o sabor da derrota, ademais de maneira cruel. Porén, non foi suficiente para perder o liderado, xa que os seus máximos perseguidores tampouco lograron sumar de tres. Con 18 puntos no seu haber, o equipo de Pablo Cardoso ten antes desta complicada visita á cidade departamental unha renda de dous e tres ata a quinta praza que pretenden manter para seguir medrando como equipo desde o máis alto da clasificación.

O Parrulo, ante a oportunidade de asomarse aos punteiros

Un dos que máis discutiu o campionato dos brancos o curso pasado foi O Parrulo Ferrol FS. Pero esta campaña as cousas non empezaron tan ben para los ferroláns, que remontaron o voo nestas dúas últimas xornadas con dúas vitorias de entidade en León e Salamanca que os colocan 8º con 12 unidades e ante a ocasión de poder cercar a zona noble este domingo.