PREVIA X6 SEGUNDA DIVISIÓN “B” FS | IES Coruxo FS - Noia Portus Apostoli FS “B” | Continuar pola mesma liña

Venres, 17/10/2025 · 13:44h · Imaxe: Manuel Lorenzo/Noia PA FS | Os filialistas, ante a opción de lograr o seu quinto triunfo consecutivo, visitan a un sempre competitivo rival (sáb. 18/10, 17:00h).

O Noia Portus Apostoli FS “B” disputa este sábado 18 ás 17:00h a sexta data do Grupo 1 da Segunda División “B” FS, na que visitará ao IES Coruxo FS no Municipal de Coruxo.

O conxunto dirixido por Chipi alargou o seu gran estado de forma a pasada xornada, superando ao rival e todas as adversidades que se lle plantaron para conseguir a súa cuarta vitoria consecutiva e, ademais, o premio de durmir colíderes o venres. A súa posición é a 3ª con 12 puntos e a ela se buscarán aferrar para seguir sumando ao seu casilleiro e achegarse canto antes aos obxectivos.

Un IES Coruxo FS sempre perigoso

O IES Coruxo FS ocupa actualmente postos de descenso (13º con 4 unidades), pero para nada é un opoñente sinxelo. Os vigueses caracterízanse por posuír sempre un cadro competitivo e incómodo na pista. Sobre todo como local, onde logrou o único triunfo que ten no seu haber. A partir da súa fortaleza na casa buscarán progresar na táboa e alexarse da zona quente.

---

Árbitros

Óscar Luis Gulín Piñeiro e Sergio López Riveiros.

Precedentes

·22 de novembro de 2020 | X1 Terceira División FS – Grupo 8 B 2020/2021 | NPA “B” 5-4 COR

·27 de febreiro de 2021 | X13 Terceira División FS – Grupo 8 B 2020/2021 | COR 0-1 NPA “B”

·14 de setembro de 2024 | X1 Segunda División “B” FS – Grupo 1 2024/2025 | NPA “B” 3-3 COR

·11 de xaneiro de 2025 | X16 Segunda División “B” FS – Grupo 1 2024/2025 | COR 5-4 NPA “B”