PREVIA X5 XUVENIL DIVISIÓN DE HONRA FS | Noia Portus Apostoli FS – ADC Lugo Sala Acasti Reformas | A pola quinta no Alonso
- Departamento prensa Noia PA FS
- Nov 8
- 1 min read
O Xuvenil de División de Honra quere máis. Tras asentarse como líder en solitario a pasada xornada, o equipo de Pablo Cardoso vai, na mudanza puntual ao Alonso Rodríguez, a polo seu quinto triunfo consecutivo este domingo 9 a partir das 12:30h contra o ADC Lugo Sala Acasti Reformas.
Os noieses semellan empeñados en emular a espectacular temporada pasada. De feito, a súa estrea ligueira deste curso xa supera ao da 24/25. Seguir o camiño pasa por continuar progresando como xogadores e equipo, o que achegará aos brancos ás buscadas vitorias.
Os lucenses chegan con necesidade de sumar
Inicio totalmente contrario o que está protagonizando o ADC Lugo Sala Acasti Reformas. Os da cidade amurallada son un dos tres conxuntos que aínda non sumaron ningún punto no seu casilleiro, ocupando a 15ª e penúltima praza na táboa. A pesar de que a clasificación lles sexa favorable, o Portus Apostoli non deberá baixar a garda ante a ilusión lucense por romper o xeo na pista do vixente campión.
Emisión en directo
O partido poderase seguir en directo, gratis e previo rexistro a través de gs360play.com.
Precedentes
·21 de decembro de 2024 | X13 Xuvenil División de Honra FS – Grupo 1 2024/2025 | NPA 4-0 LUG
·11 de maio de 2025 | X28 Xuvenil División de Honra FS – Grupo 1 2024/2025 | LUG 0–5 NPA
Comments