PREVIA X5 SEGUNDA DIVISIÓN “B” FS | Noia Portus Apostoli FS “B” – CD Tierno Galván FS | A por unha máis

Departamento prensa Noia PA FS
Oct 9
1 min read

**Xoves, 09/10/2025 · 16:00h · Imaxe: Manuel Lorenzo/Noia PA FS | O equipo de Chipi aspira á súa cuarta vitoria consecutiva na quinta xornada ligueira (ven. 10/10, 21:30h).**

Horario atípico para o Noia Portus Apostoli FS “B” na disputa da quinta xornada de Segunda División “B” FS. Os filialistas recibirán a visita do CD Tierno Galván FS este venres 10 ás 21:30h.

No duelo ante os valisoletanos, a escadra dirixida por Chipi buscará unha nova vitoria, a que sería a cuarta consecutiva, e que lles faría durmir como colíderes da categoría. Un premio clasificatorio que o Filial busca en pos de seguir demostrando o seu progreso, aínda que, como afirmou o técnico tras o último triunfo en Begonte, quedan cousas por mellorar.

Un ascendido que empezou moi ben

O CD Tierno Galván FS é un dos catro novos conxuntos no Grupo 1, aínda que os seus números non se parezan aos dun ascendido. Despois de caer na xornada inicial fronte ao O Esteo FS, os valisoletanos conseguiron dúas vitorias e un empate que os sitúan en 8ª praza con 7 puntos, unha suma considerable para comezar que queren continuar redondeando co que sería o seu primeiro triunfo como visitantes.