top of page

PREVIA X4 SEGUNDA DIVISIÓN “B” FS | O Esteo FS - Noia Portus Apostoli FS “B” | A pola segunda lonxe da casa


Venres, 04/10/2024 · 17:15h · Imaxe: Manuel Lorenzo/Noia PA FS | Os brancos buscarán volver a levar os tres puntos como visitantes, no seu desprazamento ao Municipal A Fraga de As Pontes este sábado 5 ás 18:00h.


Cuarta xornada ligueira para o Noia Portus Apostoli FS “B”, que tentará seguir logrando nas súas visitas o que se lle resiste como anfitrión: a vitoria. Os de Guille Murillo desprázanse ao Municipal A Fraga de As Pontes para enfrontarse ao O Esteo FS este sábado 5 ás 18:00h.


Catro puntos de nove posibles presumen como un gran botín para os primeiros pasos dun debutante na categoría. Porén, máis aló do aplastante triunfo en Palencia ante o Deporcyl Guardo FS, os noieses quedaron con ganas de máis nos seus outros dous partidos, ante IES Coruxo FS e Stellae Leis Pontevedra FS, o que reflicte á perfección a dificultade desta Segunda División “B” FS.


Esta fin de semana terán que volver a suar para sacar o triunfo de As Pontes. De O Esteo FS pódese dicir que, aparte de ser un clásico da categoría, sempre dá un plus máis no seu feudo. Dos seus 9 triunfos da campaña pasada, 7 chegaron en A Fraga, e este curso xa puxeron en apretos a todo un favorito como ADAMO Xove FS. Iso si, a súa primeira vitoria, que lle permitiu inaugurar o casilleiro de puntos, produciuse a pasada xornada na pista do Sibuscascoche Ribeira FS (3-4), o que de seguro lles dará máis confianza de cara a este choque na casa.


O único precedente, desta mesma pretemporada, sorrí de maneira ampla aos noieses (2-8), nun encontro disputado en terras pontesas. Porén, isto xa é competición, e aos pupilos de Guille Murillo son totalmente conscientes de que, se queren seguir sumando fóra o que se escapa na casa, tocará dar o 100% e aproveitar as oportunidades que dispoñan.


 

Precedentes

·31 de agosto de 2024 | Amistoso | EST 2-8 NPA “B”

댓글


bottom of page