PREVIA X4 SEGUNDA DIVISIÓN “B” FS | Concello de Begonte FS - Noia Portus Apostoli FS “B” | Que o ritmo non pare
- Departamento prensa Noia PA FS

- Oct 3
- 2 min read
Updated: Oct 9

O Noia Portus Apostoli FS “B” disputa este sábado 4 ás 19:30h o seu encontro da cuarta xornada ligueira, no que visitará ao Concello de Begonte FS no Municipal de Baamonde.
Os de Chipi alcanzan este compromiso en estado de graza e coa confianza polas nubes. A razón, a xeira de dúas vitorias consecutivas que manteñen tras gañar a Piensos Durán Albense FS e River Zamora FS en dous duelos competidos ata o final. 6 puntos que serven de moito a todos os niveis para un conxunto filialista aínda en construción, e que quere seguir sumando á vez que poñendo cimentos.
Concello de Begonte FS, un ascendido aínda sen puntos
Para facelo, os noieses terán que superar a un equipo que, máis aló de por xogar na casa, será especialmente perigoso polas necesidades clasificatorias. É cedo para falar delas, pero os 0 puntos no casilleiro do Concello de Begonte FS convidan a facelo. Os vermellos buscarán darlle un xiro á dinámica contra o Filial noiés e volver a elevar o pico da ilusión nesta, a súa temporada de regreso á categoría de bronce.
Árbitros
Iria de Luis Iglesia e Manuel Castro Fernández.
Precedentes (balance oficial: 3V-0E-3D)
·5 de outubro de 2019 | X4 Preferente Autonómica – Grupo Norte 2019/2020 | BEG 6-2 NPA “B”
·9 de febreiro de 2020 | X19 Preferente Autonómica – Grupo Norte 2019/2020 | NPA “B” 4-5 BEG
·23 de outubro de 2021 | X6 Terceira División FS – Grupo 8 2021/2022 | BEG 5-3 NPA “B”
·20 de febreiro de 2022 | X21 Terceira División FS – Grupo 8 2021/2022 | NPA “B” 6-2 BEG
·3 de decembro de 2022 | X12 Terceira División FS – Grupo 8 2022/2023 | NPA “B” 5-1 BEG
·15 de abril de 2023 | X27 Terceira División FS – Grupo 8 2022/2023 | BEG 2-6 NPA “B”











Comments