PREVIA X3 SEGUNDA DIVISIÓN “B” FS | Noia Portus Apostoli FS “B” – River Zamora FS | Agora, a gañar na casa

Departamento prensa Noia PA FS
Sep 28
1 min read

**Domingo, 28/09/2025 · 09:40h · Imaxe: Manuel Lorenzo/Noia PA FS | Tras romper o saco das vitorias en Alba de Tormes, os filialistas buscan un novo triunfo na casa (dom. 28/09, 12:30h).**

O Filial do Noia Portus Apostoli FS disputa este domingo 28 ás 12:30h no Agustín Mourís o seu partido da terceira xornada ligueira, no que recibirá ao River Zamora FS.

Os noieses chegan a este encontro cun reforzo moral e clasificatorio, despois de obter a primeira vitoria da temporada na pista do Piensos Durán Albense FS. Conseguido ese paso, os de Chipi intentarán facer o propio na casa, onde facerse fortes se torna moi importante para seguir medrando e lograr os obxectivos.

Un rival en busca de estrearse

Se o moi mozo equipo branco está aínda en proceso de adaptación, o seu oponente deste domingo atravesa un momento similar na categoría. O River Zamora FS, tras a súa fusión co Intersala Zamora FS, afronta unha nova etapa na Segunda División “B” FS que buscan enderezar tras empezar cun empate e unha derrota.