Venres, 20/09/2024 · 18:50h | Na súa primeira saída, o Filial visitará a un clásico da categoría, este sábado 21 ás 17:30h.
O Noia Portus Apostoli FS “B” afronta esta fin de semana a súa primeira viaxe da temporada. Os de Guille Murillo visitarán este sábado 21 ás 17:30h ao Deporcyl Guardo FS nunha das pistas máis esixentes de todo o grupo, e sendo tan cedo no calendario, supoñerá toda unha proba para os noieses.
O pasado sábado, os brancos quedaron coa mel nos beizos por deixar escapar un triunfo que, por momentos, semellaba moi preto. Pero, da mesma maneira, tamén souberon valorar un empate que estivo a piques de escapárselles nos últimos segundos. A primeira aprendizaxe real do que é esta Segunda División “B” FS e da subida de nivel que supón con respecto ao curso anterior.
Entre esas lecciones adquiridas, está a de prohibido baixar o nivel de competitividade e concentración nin un só minuto. Un dos ingredientes que fará falta engadir se os noieses pretenden saír con algo da súa visita ao Municipal de Guardo, coñecido popularmente como a “Bombonevera”. Esa é a casa dun Deporcyl Guardo FS que xa é todo un histórico da categoría, y practicamente sempre da zona alta da mesma. De feito, a temporada de ascenso do Primeiro Equipo noiés, o contendente polo título foi o cadro palentino. Na primeira xornada non pasaron do empate 1-1 na pista do Sibuscascoche Ribeira FS.
Tras colleitar o primeiro punto, o Filial noiés buscará facer historia estreando o casilleiro de vitorias a case 500km da casa. A ambición e a fame quedaron patentes no debut e seguro que tampouco faltarán no segundo apartado desta nova aventura.
Precedentes
Será o primeiro enfrontamento histórico entre ambos equipos.
Comments