PREVIA X2 SEGUNDA DIVISIÓN “B” FS | Piensos Durán Albense FS - Noia Portus Apostoli FS “B” | Alba de Tormes, primeiro destino

Departamento prensa Noia PA FS
Sep 20
1 min read

**Sábado, 20/09/2025 · 13:44h · Imaxe: Manuel Lorenzo/Noia PA FS | Os de Chipi visitan a un equipo que o curso pasado quedou a un paso do ascenso coa ambición de lograr os primeiros puntos.**

O Filial branco afronta este domingo 21 ás 13:00h o seu primeiro desprazamento da temporada, no que visitará ao Piensos Durán Albense FS pola 2ª xornada ligueira.

O bloque de Chipi chegará a Alba de Tormes con ganas de reivindicarse e deixar atrás canto antes a dura derrota da primeira data. No punto de mira tamén o empezar a sumar para escalar postos na clasificación e facer máis sinxelo ese proceso de adaptación no que aínda se atopa o equipo filialista.

Un rival que tampouco empezou ben

O Piensos Durán Albense FS quedou hai uns meses a un paso do ascenso, pero a 25/26 non comezou para eles coas boas sensacións que quererían. Os salmantinos buscarán recuperarse da derrota na xornada inaugural ante o Caja Rural Atlético Benavente FS (5-2) e a eliminación en Copa do Rei FS entre semana contra o CD Spínola Chamartín madrileño.