PREVIA X15 XUVENIL DIVISIÓN DE HONRA FS | Redondela FS Rodavigo – Noia Portus Apostoli FS | Un partido pola Copa

Departamento prensa Noia PA FS
1 hour ago
2 min read

Venres, 30/01/2026 · 18:11h · Imaxe: Manuel Lorenzo/Noia PA FS | Os noieses, líderes con 1 punto de diferenza, dependen de si mesmos para selar en Redondela (sáb. 31/01, 16:00h. TV: redondelaberta.gal) a clasificación á Copa de España Xuvenil FS. — **Venres, 30/01/2026 · 18:11h · Imaxe: Manuel Lorenzo/Noia PA FS | Os noieses, líderes con 1 punto de diferenza, dependen de si mesmos para selar en Redondela (sáb. 31/01, 16:00h. TV:** **redondelaberta.gal) a clasificación á Copa de España Xuvenil FS.**

O Xuvenil DH do Noia Portus Apostoli FS alcanza o round definitivo pola Copa de España Xuvenil FS. Os brancos, que como líderes dependen de si mesmos, visitan ao Redondela FS Rodavigo este sábado 31 a partir das 16:00h na última xornada da primeira volta.

Tan só un rival lle pode arrebatar ese liderado que dá a clasificación copeira tras os primeiros 15 partidos do curso. Trátase do CD Inter Sala Adarsa Mercedes, que á mesma hora xogará na casa ante ADC Lugo Sala Acasti Reformas agardando un tropezo noiés para recurtar o punto que separa a ambos na táboa. Porque, efectivamente, a pelota está no tellado dun Portus Apostoli que non debe mirar a outros. O billete á segunda Copa consecutiva pasa por ser ese gran equipo desde o talento individual e colectivo que leva no máis alto na clasificación desde a xornada 4, e que vai a dalo todo por non abandonar esa condición no primeiro momento clave.

O Redondela FS Rodavigo, un dos ‘xuíces’ da Copa

A última barreira dos noieses na batalla pola Copa será o Redondela FS Rodavigo. Os redondeláns, rival que llelo puxo difícil a todos os equipos da zona alta da táboa, chegan a este duelo nunha xeira de catro partidos sumando -tres vitorias e un empate-, 6º con 22 puntos e a motivación extra que supón o poder decidir que conxunto do Grupo 1 accede á cita de Granada.