PREVIA X12 SEGUNDA DIVISIÓN “B” FS | Noia Portus Apostoli FS “B” – Grupo FORMA-T Vilalba FS | A facer mellor o punto de Salamanca

Venres, 28/11/2025 · 14:03h · Imaxe: Manuel Lorenzo/Noia PA FS | O conxunto de Chipi volve a casa (sáb. 29/11, 12:00h. TV: gs360play.com) tras dúas saídas seguidas coa vitoria entre cella e cella.

O Noia Portus Apostoli FS “B” enfróntase este sábado 29 ás 12:00h ao Grupo FORMA-T Vilalba FS no Municipal Agustín Mourís, ao que regresa tras dous desprazamentos consecutivos para esta xornada 12.

A dobre visita á comunidade castelán-leonesa, con vitoria ante Caja Rural Atlético Benavente FS (3-6) e empate in extremis fronte ao FS Salamanca (5-5), colocou o Filial na segunda praza da clasificación con 23 puntos. O equipo de Chipi segue demostrando que o seu carácter e resiliencia pesan máis que os (moitos) contratempos que está tendo que soportar en forma de lesións, e este sábado buscará dar un novo exemplo para asentarse nesa fantástica posición.

O Grupo FORMA-T Vilalba FS quere ir de menos a máis

De disputar o PlayOff de ascenso a verse incluso en postos de perda de categoría. O inicio de temporada non foi o desexado no seo do Grupo FORMA-T Vilalba FS, que cos dous triunfos nas dúas últimas xornadas (3-5 en Laviana e 6-3 ante o Benavente) sacan a cabeza ata o 10º lugar con 16 puntos. Aínda que perdeu a Adri, nas súas filas militan xogadores con pasado en Primeira como Kevin Chis ou Isma, que chegou procedente do CD Burela FS este verán.

---

Emisión en directo

O partido poderase seguir en directo, gratis e previo rexistro a través de gs360play.com.

Árbitros

Miguel Jesús Rodríguez Pontanilla e Álvaro Sobral Moreno.

Precedentes

·22 de maio de 2021 | 1/4 de final fase de ascenso a Segunda División “B” FS 2020/2021 – partido de ida | VIL 1-5 NPA “B”

·29 de maio de 2021 | 1/4 de final fase de ascenso a Segunda División “B” FS 2020/2021 – partido de volta | NPA “B” 1-4 VIL

·18 de decembro de 2021 | X14 Terceira División FS – Grupo 8 2021/2022 | VIL 12-1 NPA “B”

·1 de maio de 2022 | X29 Terceira División FS – Grupo 8 2021/2022 | NPA “B” 0-10 VIL

·20 de decembro de 2024 | X15 Segunda División “B” FS – Grupo 1 2024/2025 | VIL 3-5 NPA “B”

·3 de maio de 2025 | X30 Segunda División “B” FS – Grupo 1 2024/2025 | NPA “B” 2-3 VIL