PREVIA VIII TROFEO PORTUS APOSTOLI | Noia Portus Apostoli FS – Illes Balears Palma Futsal | Onde todo comeza

Departamento prensa Noia PA FS
1 day ago
2 min read

Updated: 9 hours ago

Xoves, 28/08/2025 · 17:02h · Imaxe: Foto Pichero | A pretemporada toca ao seu fin para os noieses co seu trofeo de verán (ven. 29/08, 20:00h) ante un rival inmellorable para seguir testeando sensacións.

O VIII Trofeo Portus Apostoli será o broche perfecto á pretemporada. Os brancos finalizarán o seu período de preparación este venres 29 ás 20:00h fronte ao tres veces campión da UEFA Futsal Champions League e dúas da Intercontinental, o Illes Balears Palma Futsal, nunha última proba de altura previa ao inicio ligueiro.

O equipo de David Palmas demostrou ir polo bo camiño no seu anterior amistoso ante o SC Braga, no que completou unha gran actuación a nivel xeral, acentuada nun fabuloso primeiro tempo no referente ao xogo e á competitividade. Unha impresión positiva que non só quedou no vestiario, senon tamén nun Agustín Mourís que gozou cos seus.

E agora, con ganas de máis, preséntase este encontro de nivel xigante. Aínda que sexa un amistoso, no que pesan máis as sensacións que o resultado, e o rival un habitual, non resta emoción e espectáculo ao que se xoga este venres. E é que todos son conscientes de que o VIII Trofeo Portus Apostoli é onde todo comeza.

Quinta vez en oito edicións do Illes Balears Palma Futsal

O trofeo de verán noiés xa non só está relacionado cos nosos, senon que tamén empeza a ser sinónimo de Illes Balears Palma Futsal. Os palmesanos, que solo se perderon tres de oito certames con diferentes formatos y oponentes, ven en Noia un escenario de ensaios ideal de cara á temporada.

Cun plantel renovado un curso máis (saídas de Marcelo, Bruno Gomes, Neguinho, Henrique, Gordillo e Nil Tent, e chegadas de Lucão, Alisson, Deivão, Dennis e Lin), pero que segue aspirando a todo. Nesta preparación, os de Antonio Vadillo enfrontáronse a RSC Anderlecht, superándoos por un claro 8-1, e a Sporting CP e Benfica na Record International Masters Cup, caeendo ante ambos.

Declaracións previas

Entradas

Á venda en noiafs.compralaentrada.com/eventos. Se quedan dispoñibles, poñeranse á venda na porta de acceso do Municipal Agustín Mourís o día do partido a partir das 18:30h.