Venres, 30/08/2024 · 18:30h · Imaxe: Manuel Lorenzo/Noia PA FS | O conxunto noiés afronta este sábado 31 ás 17:00h en A Malata a súa estrea en partido de preparación.
Chégalle a hora ao Noia Portus Apostoli FS de medirse a un opoñente para poñer en práctica o traballado en estas dúas semanas de pretemporada. Os brancos disputarán o primeiro dos seus amistosos neste período de preparación este sábado 31 ás 17:00h en A Malata ante O Parrulo Ferrol FS.
A da 2024/2025 está sendo unha pretemporada atípica, pola súa larga duración e polas datas nas que transcorre, habitualmente as elixidas para o inicio do campionato. Estas alteracións son produto do Mundial de Usbequistán 2024, que se disputará do 14 de setembro ao 6 de outubro. Unha semana despois da final, comezará a Primeira División FS, que contará por terceira campaña seguida coa presenza do Portus Apostoli.
Ante a aínda larga espera para que chegue a competición, as ganas residen en ver os primeiros pasos do novo Noia. Oito xogadores continúan con respecto ao pasado curso, aos que se unen as sete incorporacións Schütt, Peixe, Diego Fávero, Montero, Álex García, Rubi e Garrincha. Dos quince, en Ferrol non poderemos ver en acción a Altamirano, concentrado con Arxentina na preparación para o Mundial, nin a Attos, que continúa avanzando no seu proceso de recuperación da rotura do tendón de Aquiles que sufriu en febreiro. Si estarán o peche Lucho e o á Jorge, xogadores do Filial que se atopan realizando a pretemporada co Primeiro Equipo.
Novo horizonte para un novo Noia Portus Apostoli FS. O deste sábado será tan só o primeiro test, unha proba de toque ao escaso tempo de traballo que completaron ata o momento os noieses, pero tamén o inicio oficioso doutra temporada plagada de ilusión e ambición, tanto para equipo como para afección, no máis alto do fútbol sala nacional.
O desprazamento
A expedición noiesa dirixirase a Ferrol ás 14:00h en autobús, con chegada prevista a unha hora e media de antelación con respecto ao inicio do choque.
Emisión en directo
O partido non será emitido en directo por ningunha plataforma.
Precedentes (últimos 5 partidos de competición oficial)
·13 de novembro de 2021 | X11 Segunda División FS 2021/2022 | NPA 6-0 OPA
·19 de marzo de 2022 | X28 Segunda División FS 2021/2022 | OPA 2-5 NPA
·17 de maio de 2022 | Final XXX Copa Galicia | OPA 3-3 NPA (penaltis 3-4)
·29 de marzo de 2023 | Semifinal XXXI Copa Galicia | OPA 2-6 NPA
·17 de maio de 2023 | Final XXXII Copa Galicia | NPA 5-2 OPA
Comentarios