Novidades que debes coñecer para esta nova temporada

Martes, 09/09/2025 · 14:52h · Imaxe: Manuel Lorenzo/Noia PA FS | Desde a introducción do SV ata a nova plataforma de emisión, repasamos algúns cambios destacables de cara a esta Primeira División FS 2025/2026.

Todo novo horizonte trae cambios, e ese tamén é o caso da temporada 2025/2026 da Primeira División FS. Repasamos a continuación os máis destacables.

Chega o Soporte de Vídeo a todos os partidos

Si, é parecido ao VAR, pero non, non é o VAR: é o Soporte de Vídeo. Cada adestrador terá un uso por parte, que reclamará xirando o dedo índice, nos seguintes casos: gol/non gol, penalti/non penalti, tarxetas vermellas e erros de identidade. A continuación, os colexiados procederán a revisar a acción en cuestión nunha pantalla situada na mesa do cronometrador. As imaxes que verán corresponden a catro cámaras localizadas estratexicamente nas esquinas da pista.

Adeus ao saque de banda coas mans

A pelota, ao pé | Imaxe: Foto Pichero

Desaparece a gran novidade do curso pasado. Como se viña facendo ata a 2024/2025, a partir de agora só se pode sacar de banda co pé. Iso si, os outros cambios chamativos introducidos a temporada pasada continúan: as amarelas ao banco seguen acumulando faltas (a menos que supuxera a sexta) e o saque de portería ten que botar en campo propio.

As manos e o seu castigo

Desaparecen os tiros libres indirectos por man que tanto protagonismo tiveron na 24/25. A partir de aí, os colexiados diferenzarán, baixo regulamento, entre voluntarias, naturais e accidentais para castigalas ou non.

Nova televisión e máis autonómicas

Sobre isto xa falamos recentemente. LALIGA+ é a nova plataforma OTT encargada de emitir todos os partidos da Primeira División FS. E se eres abonado do Noia Portus Apostoli FS, podes conseguir un 30% de desconto na túa subscripción.

Continúa o partido por xornada en aberto en Teledeporte e, ademais, as autonómicas toman máis protagonismo. CMM en Castela-A Mancha, IB3 nas Illas Baleares, TV3 en Cataluña e a TVG en Galicia emitirán certos encontros da competición.

Regresa a pista azul

Volveu co Movistar Inter FS vs Barça | Imaxe: Movistar Inter FS

A cor máis característica do nostro deporte volve a escena. Todos os choques que emita Teledeporte disputaranse sobre o parqué azul que tanto representou ao fútbol sala nas últimas épocas.