Koeman realiza a pretemporada co Primeiro Equipo
- Departamento prensa Noia PA FS

- Aug 2
- 1 min read

Na nómina de futbolistas cos que conta David Palmas nesta pretemporada 2025/2026 resalta, pola súa precocidade, a presenza de Mateo Vázquez, “Koeman”.
O á zurdo de 17 anos vén de completar unha campaña de gran progresión, con debut oficial no Primeiro Equipo, logros en Filial e Xuvenil División de Honra e dobre convocatoria coa Selección Española Sub-19. Como non pode ser doutra forma, o Club aposta por seguir fomentando o seu crecemento deportivo ao incluílo entre os 17 xogadores baixo as ordes do técnico do Portus Apostoli neste período de pretemporada.
Imaxes: Foto Pichero e Manuel Lorenzo/Noia PA FS
Neste novo curso que se presenta, Koeman cumprirá 18 anos e poñerá fin á súa etapa como xuvenil no conxunto noiés de División de Honra, algo que compaxinará coas tarefas do equipo Filial e, sempre que David Palmas o requira como nesta ocasión, tamén co elenco principal.



















Comments