A Escola Noiesa abre o seu período de inscrición para a temporada 2025/2026

Departamento prensa Noia PA FS
Jul 23
2 min read

Mércores, 23/07/2025 · 18:53h | A través do formulario online ou no Local Social do Club para nenos/as nados entre 2007 e 2021.

A temporada 2025/2026 chama á porta, tamén para os máis pequenos. O Club abre o prazo de inscrición da Escola Noiesa para todos aqueles nenos/as nados entre 2007 e 2021 que queiran formar parte dos distintos equipos, de Biberón ata Xuvenil, da nosa Base.

Onde podo realizar a inscrición?

A inscripción poderase realizar tanto no Local Social do Club (rúa Carcasía, 7. Noia) como no formulario online.

Formulario online

Procedemento de pago da cota

A cota total de inscrición é de 200€, un pago sobre o que o Club pon a disposición de todas as familias interesadas a opción de realizalo de maneira fraccionada.

O primeiro pago a modo de matrícula consta de 80€ e levarase a cabo ao formalizar a inscrición. A este engádenselle 6 mensualidades (outubro, novembro, decembro, xaneiro, febreiro e marzo) de 20€ cada unha, que completarán a cota total de 200€ e que se abonarán por medio de domiciliación bancaria. En caso de inscrición dun segundo irmán, a cota será de 150€.

Da mesma forma, o Club tamén pon a disposición a opción de realizar o pago da cota ao contado a principio de temporada a todas aquelas familias que o desexen.

Reunión informativa

A comezos de setembro realizarase unha reunión informativa para pais, nais e titores legais, da cal o Club informará proximamente nas súas canles oficiais sobre día, hora e lugar.

Pack de ropa

O prezo do pack de roupa obrigatorio será de a partir de 100€ para os nenos/as pertencentes á Escola Noiesa a temporada pasada e de a partir de 170€ para os novos inscritos.