O Esteo FS - Noia Portus Apostoli FS, martes 2 ás 20:30h polos cuartos de final da Copa Galicia FS

Venres, 28/11/2025 · 15:59h · Imaxe: Foto Pichero | Os brancos estréanse na competición autonómica a vindeira semana.

O Noia Portus Apostoli FS xa ten data e hora confirmadas para o debut na XXXIV Copa Galicia FS. Os de David Palmas buscarán o pase a semifinais en As Pontes de García Rodríguez ante O Esteo FS o vindeiro martes 2 de decembro ás 20:30h.

Os noieses inician unha andaina que agardan prolongar ata o 2 de abril, ‘Xoves Santo’, día que se disputarán as finais masculina e feminina no Municipal dos Deportes de Pontevedra, co obxectivo de erguer o seu quinto título consecutivo.