CRÓNICA X2 SEGUNDA DIVISIÓN “B” FS (ALB 3-4 NPA “B”) | Tres puntazos in extremis

Departamento prensa Noia PA FS
Sep 21
2 min read

**Domingo, 21/09/2025 · 17:30h | Un tanto de Oliver Chenel a menos dun minuto para o final outorga a primeira vitoria ao Filial.**

O Filial fíxose este domingo coa vitoria e os seus primeiros puntos da temporada cun gol de Oliver Chenel a menos dun minuto do final que decantou o encontro.

Os locais tomaron a vantaxe no minuto 11 por medio de Jorge. Pero, antes do descanso, os filialistas xa lle deran a volta ao marcador, correspondendo ao bo inicio de partido. Teo e Álvaro transformaron os tantos noieses.

Final feliz

O Piensos Durán Albense FS devolveu a moeda na segunda metade, e para o minuto 30 xa estaba mandando no luminoso grazas a dous goles de Sergio. Iso si, a súa renda foi de novo efímera, xa que Jaime Pan colocou o 3-3 no 32’ de xogo.

Empate e espadas por todo o alto para o tramo decisivo. Tensión máxima entre dous equipos en busca do seu primeiro triunfo, que aumentou coa expulsión do local Roberto no 38’. Unha oportunidade que os de Chipi non deixaron escapar. Atento na área a un disparo de Álvaro, Oliver Chenel embocou á rede para poñer o 3-4 definitivo e dar uns tres primeiros e importantes puntos do curso aos seus.

Próximo partido

Os brancos recibirán o vindeiro domingo 28 ás 12:30h ao River Zamora FS pola 3ª xornada ligueira.

Ficha técnica

Piensos Durán Albense FS: Carlos Tejedor (p), Juan, Jorge (c), Daniel Ratero e Juan Piña. Tamén xogaron Álvaro Caminero, Alvy, Alberto, Raúl Herrero, Roberto, Marcos e Sergio.

Noia Portus Apostoli FS “B”: Iván (p), Nico Cuello, Jorge (c), Teo e Brais. Tamén xogaron Álvaro Varela, Jaime Pan, Álvaro, Hugo, Iago López e Oliver Chenel.

Goles: 1-0 Jorge (11’), 1-1 Teo (13’), 1-2 Álvaro (16’), 2-2 Sergio (24’), 3-2 Sergio (30’), 3-3 Jaime Pan (36’), 3-4 Oliver Chenel (40’).

Os árbitros Santiago Lomo Sánchez e Óscar Monroy Rodríguez, do comité estremeño, amoestaron nos locais con tarxeta amarela a Alberto (16’) e con tarxeta vermella directa a Roberto (38’). Nos visitantes, amarelas a Iago López (12’), Jorge (15’) e Iván (30’).

Incidencias: partido correspondente á xornada 2 do Grupo 1 da Segunda División “B” FS, disputado no Municipal de Alba de Tormes.