Martes, 17/12/2024 · 19:00h | O Club abre un concurso de debuxo dirixido a menores de 12 anos para atopar a mellor felicitación de Nadal.
Se tes menos de 12 anos, adoras o Nadal e a túa paixón é o Noia Portus Apostoli FS, o noso cartel de felicitación das Festas pode estar nas túas mans! Colle papel, bolígrafos, lapis e cores e deixa voar a túa imaxinación, porque buscamos o cartel que mellor represente ao Club para felicitar este Nadal... e ademais ten premio!
Podes debuxar o noso escudo, a algún dos nosos xogadores, ao Agustín Mourís... o que che apeteza relacionado co noso equipo xunto a detalles do Nadal que, unidos, sexan a felicitación perfecta de Nadal do Noia Portus Apostoli FS!
Ademais diso, o debuxo gañador terá premio a elixir, en forma dunha camiseta do equipo ou unha entrada dobre para o Noia Portus Apostoli FS vs Movistar Inter FS.
Aspectos importantes para participar
·O debuxo debe ser realizado por un menor de 12 anos
·Concurso aberto a todo neno/a menor de 12 anos, incluídos non pertencentes á Escola Deportiva
·O formato do debuxo debe ser horizontal
·Para formalizar a participación no concurso, hai que enviar unha imaxe do mesmo ao e-mail prensa@noiafutbolsala.com co asunto “Cartel de Nadal Noia Portus Apostoli FS + nome do neno/a”
·Límite de participación o martes 24 de decembro (incluído)
Comments