Así é o camiño do Xuvenil na División de Honra FS 2025/2026

Xoves, 04/09/2025 · 17:40h | Os de Pablo Cardoso arrancarán a Liga a fin de semana do 11 de outubro.

O Xuvenil de División de Honra FS xa ten marcado o seu calendario de cara á temporada 2025/2026. Os de Pablo Cardoso empezarán a súa defensa do título do Grupo 1 a fin de semana do 11 de outubro, nun inicio máis tardío ao habitual pola celebración do Europeo Sub-19.

Os noieses debutarán na casa, recibindo ao CD San Cristóbal Cochinillo Tabladillo segoviano. A súa primeira saída realizarana o 18 ou 19 de outubro, dirección á cancha do Valladolid Tierno Galván FS. O último compromiso do campionato ligueiro regular disputarase o 30 ou 31 de maio no Agustín Mourís fronte ao Redondela FS Rodavigo.

Sete equipos fóra de Galicia e tres novos rivais

O Grupo 1 repartirase practicamente a partes iguais entre equipos galegos (9) e castelán-leoneses (7). Os noieses salirán das fronteiras autonómicas durante o curso para visitar a CD San Cristóbal Cochinillo Tabladillo, Valladolid Tierno Galván FS, CD Inter Sala Adarsa Mercedes, FS Salamanca Agrocesa, Valladolid Sport Sala, Trepalio León Sala e CFS La Bañeza Bohemia. Estes dous últimos, xunto ao Jogafan Ordes FS, son os tres novos acompañantes con respecto á pasada campaña.