Guille Murillo non continuará no Noia Portus Apostoli FS “B”

Mércores, 13/08/2025 · 15:30h · Imaxe: Manuel Lorenzo/Noia PA FS | O andaluz pecha a súa etapa na Vila tras un curso adestrando ao Filial.

O adestrador Guille Murillo non seguirá dirixindo ao Noia Portus Apostoli FS “B” na temporada 2025/2026.

O técnico sevillano chegou a Noia o curso pasado, asumindo as rendas do Filial na súa estrea na Segunda División “B” FS e formando parte do corpo técnico do Primeiro Equipo. Co Portus Apostoli “B” asinou unha extraordinaria 8ª praza na táboa final do Grupo 1 da categoría de bronce.

O Club quere agradecerlle a súa profesionalidade e os servizos prestados durante a súa estadía e deséxalle a maior das sortes tanto no terreo persoal como no profesional.