VENDA DE ENTRADAS | Noia Portus Apostoli FS – Viña Albali Valdepeñas (X4 Primeira División FS, sáb. 27/09, 18:00h)

Luns, 22/09/2025 · 13:07h · Imaxe: Foto Pichero

Xa están á venda as entradas para o partido correspondente á xornada 4 da Primeira División FS, que enfrontará ao Noia Portus Apostoli FS co Viña Albali Valdepeñas o vindeiro sábado 27 de setembro ás 18:00h no Municipal Agustín Mourís.

PREZO E CONDICIÓNS DAS ENTRADAS

ABONADOS

GRATIS. Non teñen que mercar entrada, soamente deben presentar o seu carnet de abonado/a na porta de acceso ao Municipal Agustín Mourís.

Lembramos a todos os abonados que non vaian a asistir ao encontro a posibilidade da cesión do seu asento a disposición do Club. O procedemento pódese levar a cabo tanto na plataforma online noiafs.compralaentrada.com, no apartado “liberar o meu asento”, como no Local Social do Club (rúa Carcasía, 7. Noia) no seu horario de apertura.

NON ABONADOS

·XERAL (+16 anos): 20€

·MOZO (-16 anos): 10€

COMO E ONDE MERCO A MIÑA ENTRADA?

·As entradas están á venda na plataforma online do Club noiafs.compralaentrada.com/eventos.

·Tamén podes facerte coa túa entrada no Local Social do Club (rúa Carcasía, 7. Noia), desde o luns 22 ao venres 26 en horario de 19:00h a 20:00h.

·Por último, e se quedaran entradas dispoñibles, o mesmo día do partido poñeríanse á venda as restantes na porta de acceso do Municipal Agustín Mourís en torno a 1 hora e media antes do inicio do partido.