VENDA DE ENTRADAS | Noia Portus Apostoli FS – Jimbee Cartagena Costa Cálida (X6 Primeira División FS, sáb. 11/10, 17:00h)

Domingo, 05/10/2025 · 13:48h · Imaxe (de arquivo): Foto Pichero

Xa están á venda as entradas para o partido correspondente á xornada 6 da Primeira División FS, que enfrontará ao Noia Portus Apostoli FS co Jimbee Cartagena Costa Cálida o vindeiro sábado 11 de outubro ás 17:00h no Municipal Agustín Mourís.

PREZO E CONDICIÓNS DAS ENTRADAS

ABONADOS

GRATIS. Non teñen que mercar entrada, soamente deben presentar o seu carnet de abonado/a na porta de acceso ao Municipal Agustín Mourís.

Lembramos a todos os abonados que non vaian a asistir ao encontro a posibilidade da cesión do seu asento a disposición do Club. O procedemento pódese levar a cabo tanto na plataforma online noiafs.compralaentrada.com, no apartado “liberar o meu asento”, como no Local Social do Club (rúa Carcasía, 7. Noia) no seu horario de apertura.

NON ABONADOS

·XERAL (+16 anos): 20€

·MOZO (-16 anos): 10€

COMO E ONDE MERCO A MIÑA ENTRADA?

·As entradas están á venda na plataforma online do Club noiafs.compralaentrada.com/eventos.

·Tamén podes facerte coa túa entrada no Local Social do Club (rúa Carcasía, 7. Noia), o luns 6, o mércores 8 e o venres 10 en horario de 19:00h a 20:00h.

·Por último, e se quedaran entradas dispoñibles, o mesmo día do partido poñeríanse á venda as restantes na porta de acceso do Municipal Agustín Mourís en torno a 1 hora e media antes do inicio do partido.