Tiago Rodríguez, coa Selección Galega Sub-12

Xoves, 26/02/2026 · 19:29h | Participou nun adestramento de preselección de cara ao Campionato de España de Seleccións Autonómicas.

Tiago Rodríguez, xogador da Escola Deportiva noiesa na súa categoría Alevín, formou parte este pasado martes do adestramento da Selección Galega Sub-12, en plena fase de preparación e selección de cara ao Campionato de España de Seleccións Autonómicas.

O noiés foi un dos seleccionados a participar nesa sesión realizada o pasado martes no Polideportivo do Cruceiro de Santa María, en Arzúa.

Agardamos que gozaras desa experiencia e oxalá veñan moitas máis, Tiago!