O Noia Portus Apostoli FS asina o su segundo mellor arranque histórico en Primeira División FS
- Departamento prensa Noia PA FS

- Oct 8
- 1 min read

A parroquia noiesa ten motivos para sorrir nestas semanas iniciais de competición. Con dúas vitorias e un empate nos cinco primeiros partidos de Liga, o Noia Portus Apostoli FS logrou o seu segundo mellor inicio no torneo doméstico desde que figura na elite do fútbol sala nacional.
7 puntos imperan no casilleiro do equipo de David Palmas, froito do 2-2 na xornada 2 ante o Jaén Paraíso Interior FS e os triunfos por 3-1 e 1-2 contra Viña Albali Valdepeñas e Osasuna Magna, respectivamente, nas datas 4 e 5. Resultados labrados a partir de grandes actuacións sobre o parqué, demostrando o carácter e a competitividade que definen ao Portus Apostoli.

O golazo de Altamirano en Pamplona fixo sumar tres puntazos | Imaxe: Manuel Lorenzo/Noia PA FS
Só o inicio da 22/23, na que os brancos lograron 10 puntos con tres vitorias como visitante e terminaron alcanzando o PlayOff polo título, mellora ao actual. E se comparamos co desempeño do curso pasado a estas alturas, no que os noieses aínda non gañaran e sumaban 1 punto, a progresión é notable.
Uns fabulosos números que non apartan o foco no vestiario do Noia Portus Apostoli FS, que segue centrado en ir deixándoo todo partido a partido para encamiñar os obxectivos canto antes.











Comments