PREVIA X5 PRIMEIRA DIVISIÓN FS | Osasuna Magna – Noia Portus Apostoli FS | A cumprir lonxe da casa

Departamento prensa Noia PA FS
Oct 2
2 min read

Xoves, 02/10/2025 · 17:13h · Imaxe: Foto Pichero | O cadro noiés visita Pamplona (ven. 03/10, 19:00h. TV: LALIGA+) coa intención de prolongar as sensacións e a confianza da vitoria na pasada xornada.

A quinta xornada da Primeira División FS enfronta ao Noia Portus Apostoli FS con Osasuna Magna, equipo ao que visitará este venres 3 ás 19:00h coa misión de lograr en Pamplona unha segunda vitoria consecutiva e os primeiros puntos como visitante.

O pasado sábado, os de David Palmas -que recuperou a David Pazos e Rubi de lesión- volveron a deixar claro que o que queira sumar no Agustín Mourís, vai a ter que suar. Non en van, os catro puntos que teñen recolectáronos no seu feudo. Facerse forte na casa será clave, pero sen deixar de lado os compromisos lonxe de Noia, que serán maioría neste mes de outubro.

**Pazos (á esquerda na imaxe) e Rubi, de regreso á pista | Imaxe: Manuel Lorenzo/Noia PA FS**

Nesas, chega este desprazamento á sempre difícil plaza do Pavillón Anaitasuna. Alí van coa confianza, outorgada pola convincente vitoria ante Viña Albali Valdepeñas, que se engadiu á ambición dun vestiario branco que quere sacar dese cóctel máis puntos para seguir escalando postos na táboa clasificatoria.

Osasuna Magna, outro equipo caseiro

Se o Portus Apostoli está destacando pola súa fortaleza como local, o mesmo podemos dicir de Osasuna Magna. O conxunto navarro empezou tras estas catro xornadas con 6 unidades, as 6 logrados no seu fortín, un Anaitasuna no que desenvolve con total naturalidade o seu xogo alegre e recoñecible. Terceira temporada de Miguel Hernández á fronte dun equipo que o curso pasado xogou PlayOff e que, a pesar das sensibles baixas de cada verán, sempre sabe reinventarse. Esta vez foron Roberto Martil -que colgou as botas-, Kokoro, Ligeiro, Toni Escribano e Juninho, pero cos Pachu, Asier Llamas, Geraghty, Saldise ou o repatriado Linhares, ademais do crecemento dos Josu Mendive ou Ion Cerviño, o ADN verde continúa patente.

Declaracións previas

O desprazamento

A expedición noiesa iniciou a súa viaxe a Pamplona en autobús o venres ao mediodía, tras realizar a última sesión previa ao encontro. Chegada prevista ao hotel de concentración sobre as 22:00h.

Emisión en directo

O duelo contará coa emisión en directo e en exclusiva a través de LALIGA+ (baixo subscripción), por web e app, este venres 3 a partir das 19:00h.