PREVIA X16 PRIMERA DIVISIÓN FS | Jimbee Cartagena Costa Cálida – Noia Portus Apostoli FS | Visita ao Rei na resaca de Reias

Departamento prensa Noia PA FS
2 days ago
2 min read

Martes, 06/01/2026 · 18:43h · Imaxe: Foto Pichero | Os noieses empezan o 2026 e a segunda volta (mér. 07/01, 20:30h. TV: LALIGA+) na pista do bicampión ligueiro e recente tricampión de Supercopa. — **Martes, 06/01/2026 · 18:43h · Imaxe: Foto Pichero | Os noieses empezan o 2026 e a segunda volta (mér. 07/01, 20:30h. TV:** **LALIGA+) na pista do bicampión ligueiro e recente tricampión de Supercopa.**

O Noia Portus Apostoli FS empeza o 2026 por todo o alto. Os de David Palmas dan o primeiro paso dun ano ilusionante visitando ao actual bicampión ligueiro e flamante gañador da Supercopa de España FS por terceiro curso seguido, o Jimbee Cartagena Costa Cálida, este mércores 7 ás 20:30h.

Foron unhas felices festas de Nadal para os brancos, co triunfo no derbi o pasado día 27 como punto álxido. Ademais, grazas á posición clasificatoria, tamén tranquilas. 21 puntos iluminan o casilleiro noiés desde a 9ª posición, récord do Club nunha primeira volta ligueira na elite. Ou, o que é o mesmo, máis de dous terzos das 30 unidades que se marcan como obxectivo.

**Regreso á normalidade tras as festas | Imaxe: Manuel Lorenzo/Noia PA FS**

Non sería un mal regalo de Reis atrasado recortarlle un pouco máis a esa meta na cancha do gran dominador nacional. Por iso loitará un Portus Apostoli pleno de confianza e ilusión non só para este encontro e o do vindeiro sábado -último antes do parón ligueiro que durará ata febreiro-, senon tamén para un 2026 que promete.

O Jimbee Cartagena Costa Cálida, en estado de celebración

Seguramente algo máis cansados de lo habitual por el esfuerzo del fin de semana, pero a ciencia certa compensarano coa alegría da Supercopa de España FS conquistada en Palma, a terceira consecutiva. Sumado á dúas Ligas seguidas que acumula, o Jimbee Cartagena Costa Cálida continúa afianzándose como o referente no panorama español. O equipo de Duda chega a este duelo 4º con 25 puntos na táboa, polo que intentarán aproveitar o gran momento das súas estrelas Mellado, Cortés, Chemi, Motta ou Pablo Ramírez para non perder comba cos postos punteiros e deixar atrás a conxuntos que axexan, como é o caso do noiés, entre outros.

Declaracións previas

O desprazamento

Viaxe en autobús para a expedición noiesa desde o mediodía do día de Reis, con chegada prevista ao hotel de concentración na noite.

Emisión en directo

O duelo contará coa emisión en directo e en exclusiva a través de LALIGA+ (baixo subscripción), por web e app, este mércores 7 a partir das 20:30h.

Árbitros

Fernando Faubell Zaldívar e José Lázaro Angulo, do comité aragonés. Balance con Faubell Zaldívar de catro gañados e tres perdidos; con Lázaro Angulo, catro triunfos e dúas derrotas.