O Portus Apostoli 25/26 xa está a pleno funcionamento

Venres, 01/08/2025 · 18:40h · Imaxe: Foto Pichero | En marcha unha pretemporada de cinco semanas e catro partidos amistosos.

O Noia Portus Apostoli FS deu comezo á campaña 2025/2026 cos primeiros adestramentos de pretemporada. Fíxoo o pasado luns, con 15 xogadores do Primeiro Equipo, un do Filial e un do Xuvenil DH ás ordes de David Palmas, nun período que se alargará durante cinco semanas e no que se disputarán un total de catro encontros amistosos.

Unha primeira semana con protagonismo tanto para as sesións técnico-tácticas como de ximnasio, ademais de toma de contacto e presentacións entre compañeiros. Así está sendo para os nove xogadores que continúan (Montero, Altamirano, Diego Fávero, Douglas, David Pazos, Peixe, Thierry, Schütt e Rubi) e as seis incorporacións (Ismael, Varsalona, Churrasco, Biel, Leozin e Tiago Macedo), xunto a Iván, porteiro do Filial en dinámica do Primeiro Equipo, e Koeman, á zurdo en idade xuvenil, que completan os 17 efectivos que están realizando esta pretemporada branca.

Imaxes: Foto Pichero

O primeiro test para o Portus Apostoli chegará o martes 12 de agosto en Bueu ante o ADCR Caxinas. Catro días despois, os nosos enfrontaranse a O Parrulo, o outro galego de Primeira, en Bertamiráns. O sábado 23 visitará Noia o SC Braga e o venres 29 pecharase este tramo de preparación co VIII Trofeo Portus Apostoli contra o Illes Balears Palma Futsal. Todo en vistas a alcanzar na mellor forma posible ese inicio ligueiro o 6 ou 7 de setembro na pista do Quesos El Hidalgo Manzanares FS.