Power Raggiati, convocado á final da CONMEBOL Liga Evolución 2024 con Arxentina

Martes, 08/04/2025 · 10:10h | O peche formará parte da expedición da albiceleste que se disputará o título ante Brasil do 12 ao 13 de abril en Paraguai.

Power Raggiati será o único xogador do Noia Portus Apostoli FS con compromisos de seleccións nesta semana de parón ligueiro por datas FIFA. O peche foi chamado polo seleccionador arxentino, Matías Lucuix, para disputar a final da CONMEBOL Liga Evolución 2024 entre o 12 e o 13 de abril en Asunción (Paraguai).

O noso xogador xa se atopa concentrado con Arxentina no Predio de Ezeiza (Bos Aires) e o venres poñerán rumbo a terras paraguaias. Alí xogarán ante a selección brasileira dous encontros que, xunto ao otro par que disputen os combinados Sub-20 de ambos equipos, definirán o campión do torneo.