Montero, noiés durante tres anos máis

Venres, 03/07/2026 · 12:00h | O peche de Alcalá de Henares prolonga a súa estadía no Agustín Mourís.

Tres anos máis de David Montero Domínguez (Alcalá de Henares, Madrid. 19/04/2002) en Noia. O xogador continuará no Portus Apostoli ata a temporada 2028/2029, en calidade de cedido polo Inter JP Financial.

Esta prolongación expón o crecemento en todos os aspectos que o mozo peche destro experimentou nas súas xa dúas campañas no Club. En primeiro lugar, no apartado competitivo, demostrando a súa gran capacidade defensiva nos 67 encontros que disputou ata a data, engadindo ademais 8 goles baixo a súa sinatura. E, en segundo, a nivel de pertenza, converténdose nunha peza importante no vestiario e de cara á afección.

Montero, un noiés máis | Imaxe: Foto Pichero

O alcalaíno, que suma no seu palmarés como noiés un título de Copa Galicia FS, é o 6º xogador que máis veces vestiu a camiseta do Portus Apostoli na elite, con opcións serias de establecerse no top 5 durante a 2026/2027. E, con tres cursos máis por diante, tamén de seguir ampliando moito máis a súa pegada no Agustín Mourís.