Luisma será o segundo adestrador do Noia Portus Apostoli FS

Luns, 13/07/2026 · 14:01h · Imaxe: Manuel Lorenzo/Noia PA FS | O rioxano regresa á disciplina noiesa, á que pertenceu como xogador na temporada 2020/2021.

Luis Martínez Somalo, Luisma (Logroño, A Rioxa. 03/12/1988), regresa ao Noia Portus Apostoli FS. O que fora xogador do conxunto branco durante a temporada 2020/2021 volve ao Club como técnico, máis concretamente asumindo o posto de segundo adestrador de David Palmas.

Tras colgar as botas no Albelda FS, Luisma colleu as rendas do conxunto rioxano ata a temporada 2024/2025, conseguindo durante ese período dous ascensos a Segunda División “B” FS. O curso pasado deu o salto á Segunda División FS, adestrando ao Vulcanizados Ruiz Tafa FS, ao que, curiosamente, os noieses se enfrontaron na cuarta eliminatoria da Copa do Rei FS.

Benvido de novo á túa casa, Luisma!