As categorías inferiores botan a andar coa apertura do prazo de inscrición, desde este luns 28 de agosto, para nenos/as nados entre 2005 e 2019.
Toda a información, aquí, no apartado “base” da nosa páxina web, no e-mail escuela@noiafutbolsala.com e no número 625 08 95 05 (soamente a través de WhatsApp).
![](https://static.wixstatic.com/media/46ef3d_d0e5a2d28c4d4284a9c8b5bdfe7bb344~mv2.jpg/v1/fill/w_147,h_83,al_c,q_80,usm_0.66_1.00_0.01,blur_2,enc_auto/46ef3d_d0e5a2d28c4d4284a9c8b5bdfe7bb344~mv2.jpg)
Xa está aquí unha nova temporada para a Escola Deportiva! Desde este luns 28 de agosto, todos os nenos e nenas nados entre os anos 2005 e 2019 que queiran formar parte do Noia Portus Apostoli FS xa poden facelo, coa apertura do prazo de inscrición!
Despois do paso adiante realizado o curso pasado, cos ascensos do Xuvenil a Liga Galega e do Cadete a División de Honra, o club quere continuar avanzando na súa Base na que tamén será a segunda temporada do primeiro equipo na Primeira División do fútbol sala nacional.
Nas próximas semanas iranse dando a coñecer todo tipo de información referente aos horarios de adestramento e outros detalles de cada equipo da nosa Escola Deportiva. De precisar algún tipo de información que non atopes no apartado da nosa web adicado á Escola, contacta co correo electrónico escuela@noiafutbolsala.com ou co teléfono 625 08 85 05, SOAMENTE POR WHATSAPP.
Como me inscribo?
A inscrición poderase realizar, desde este luns 28 de agosto, das seguintes maneiras:
-PRESENCIAL: no local social do club (Rúa Carcasía, 7). Deberán traer unha foto tamaño carnet e unha copia do DNI do neno/a. Tamén vale cunha foto no móbil de ambas cousas.
-ONLINE: a través da plataforma noiafs.compralaentrada.com/cantera/. Aínda que xa estivera na Escola Deportiva o curso pasado, no momento da inscrición deberá pulsar en NOVA ALTA. No apartado “observacións”, especificar se o neno/a ten algunha alerxia.
![](https://static.wixstatic.com/media/46ef3d_3256d6ffaff94be9bf12568cfc8ded6c~mv2.jpg/v1/fill/w_147,h_94,al_c,q_80,usm_0.66_1.00_0.01,blur_2,enc_auto/46ef3d_3256d6ffaff94be9bf12568cfc8ded6c~mv2.jpg)
Cota de inscrición e como realizar o pago
-A cota será de 160€ anual para todas as categorías.
-A cota para o segundo irmán será de 100€. O procedemento online non dá a opción do desconto por segundo irmán, polo que dita rebaixa (que non inclúe os gastos de xestión) aplicarase no momento do pago do pack de roupa.
-O prezo do pack de roupa obrigatorio será de desde 85€ para os rapaces/as que a pasada temporada pertenceron á Escola Deportiva e de desde 150€ para as novas incorporacións. Máis info no local social.
-O pago será único, salvo solicitude de aprazamento.
Idades e categorías
Biberón: 2018-2019
Prebenxamín: 2016-2017
Benxamín: 2014-2015
Alevín: 2012-2013
Infantil: 2010-2011
Cadete: 2008-2009
Xuvenil: 2005-2006-2007